២៩ កក្កដា ២០១៧ - ២០:២៧
ខេត្តកំពង់ធំ ៖ ករណីផ្អើលចាប់ក្មេងវះយកគ្រឿងនៅស្រុកបារាយណ៍ ខេត្តកំពង់ធំ នៅថ្ងៃទី២៩ កក្កដា
២០១៧នេះ បន្ទាប់ពីគណនីឈ្មោះ Sem Choeurn មានការផ្សាយផ្ទាល់នៅលើបណ្ដាញសង្គមហ្វេសប៊ុក
ថា ជនសង្ស័យ២នាក់ ត្រូវបានសមត្ថកិច្ចឃាត់ខ្លួន ពាក់ព័ន្ធនឹងការចាប់ក្មេងរួចមកភ្លាមៗលោក
អ៊ិត សុធា ព្រះរាជអាជ្ញាខេត្តកំពង់ធំ និងលោក អ៊ុក កុសល ស្នងការនគរបាលខេត្ត បានចេញមក
ច្រានចោលព័ត៌មានមួយនេះ និហអំពាវនាវឲ្យប្រជាពលរដ្ឋនៅស្រុកបារាយណ៍ទាំងអស់ រក្សាភាពស្ងប់
ស្ងាត់ ។
ឆ្លើយតបព័ត៌មានដែលធ្វើឲ្យចលាចល និងភ្ញាក់ផ្អើលពេញទឹកពេញដីខាងលើនេះ លោកស្នងការខេត្ត
កំពង់ធំ បានបញ្ជាក់ថា នៅវេលាថ្ងៃត្រង់ ទី២៩ កក្កដានេះ មានជនសង្ស័យ២នាក់ ជិះម៉ូតូ១គ្រឿង ទៅ
ឈប់នៅក្នុងវត្តច្រនាង ពេលនោះព្រះសង្ឃក៏បានរាយការណ៍មកសមត្ថកិច្ចមូលដ្ឋាន ហើយភ្លាមៗសម
ត្ថកិច្ចក៏បានចុះទៅដល់ ស្រាប់តែជនសង្ស័យទាំង២នាក់នោះ ឃើញសមត្ថកិច្ច ក៏រត់ចោលម៉ូតូ ។
លោកស្នងការ បន្តអោយដឹងថា នៅពេលដែលឃើញជនសង្ស័យរត់ចោលម៉ូតូភ្លាមៗ សមត្ថកិច្ចក៏បាន
ដេញតាម ហើយចាប់ខ្លូនពួកគេទាំង២នាក់ យកមកសួរនៅប៉ុស្ដិ៍នគរបាល ស្រាប់តែផ្អើលប្រជាពលរដ្ឋ
ជាង១០០នាក់ ទៅឡោមព័ទ្ធប៉ុស្ដិ៍ និងនាំគ្នានិយាយតៗគ្នាថា ជាករណីចាប់ក្មេងវះយកក្រលៀនឬគ្រឿ
ងក្នុង រហូតប្រជាពលរដ្ឋបានប្រើអំពើហិង្សា រើសដំថ្ម និងយកដំបងវាយទៅលើជនសង្ស័យទាំង២នាក់
នេះទៀតផង ។
លោកស្នងការអះអាងថា មិនមែនជាករណីចាប់ក្មេងដូចប្រជាពលរដ្ឋផ្អើលនោះទេ ប៉ុន្តែទោះជាយ៉ាង
ណាសមត្ថកិច្ចរបស់លោក កំពុងសួរនាំជនសង្ស័យទាំង២នាក់នេះនៅស្នងការដ្ឋាននគរបាលខេត្ត ដើ
ម្បី
ឲ្យដឹងថា ពួកគេពាក់ព័ន្ធទៅនឹងករណីអ្វីអោយពិតប្រាកដ ។
បើតាមលោកព្រះរាជអាជ្ញាខេត្ត ក៏បានលើកឡើងស្រដៀងគ្នានឹងលោកស្នងការដែរថា ជនសង្ស័យទាំ
ង២នាក់ អាចជាមុខសញ្ញាលួចម៉ូតូ មិនមែនជាករណីចាប់ក្មេងវះយកគ្រឿងក្នុង ដូចជាប្រជាពលរដ្ឋ
ផ្អើ
លនោះឡើយ ហើយ បច្ចុប្បន្នស្ថិតក្រោមការសួរនាំរបស់សមត្ថកិច្ចឡើយ ។
ពាក់ព័ន្ធនឹងករណីខាងលើនេះដែរ អ្នកនាំពាក្យក្រសួងមហាផ្ទៃ លោក ខៀវ សុភ័គ បានបញ្ជាក់ប្រាប់
ឱ្យដឹងនៅល្ងាចថ្ងៃទី២៩ កក្កដានេះថា បន្ទាប់ពីធ្វើការស្រាវជ្រាវមួយរយៈ រហូតដល់ពេលនេះ មិនមានករណីចាប់
ក្មេងណាមួយកើតឡើងនៅក្នុងប្រទេសកម្ពុជានោះទេ លោកថា ក្រសួងមហាផ្ទៃកំពុងបើកការស៊ើបអ
ង្កេតសង្ស័យថា មានក្រុមចាត់តាំងណាមួយ កំពុងធ្វើការផ្សព្វផ្សាយភូតកុហកកាន់តែច្រើនអំពីករ
ណីចា
ប់ក្មេង ដែលធ្វើឱ្យមានភាពវឹកវរ ក្នុងសង្គមខ្មែរ ។
ការអះអាងរបស់អ្នកនាំពាក្យក្រសួងមហាផ្ទៃ បានធ្វើឡើងបន្ទាប់ពី មានការព្យាយាមផ្សព្វផ្សាយ ជាប
ន្តបន្ទាប់នូវករណីចាប់ក្មេង នៅលើបណ្តាញសង្គមហ្វេសប៊ុក ដោយពួកគេអះអាងថា បានកើតឡើង
នៅក្នុងប្រទេសកម្ពុជា ដោយសារតែការផ្សព្វផ្សាយ របស់ពួកគេបែបនេះ គឺមានចេតនាធ្វើឱ្យមហាជ
ន និងប្រជាពលរដ្ឋយល់ច្រឡំថា ក្រសួងមានសមត្ថកិច្ចរបស់កម្ពុជា អសមត្ថភាពក្នុងការដោះស្រាយ ក
រណីនេះ ។
លោក ខៀវ សុភ័គ បានលើកឡើងថា រហូតដល់ពេលនេះ ក្រសួងមហាផ្ទៃ និងសមត្ថកិច្ចកម្ពុជា មិនទា
ន់កំណត់អត្តសញ្ញាណនៃក្រុមនេះថា ជាក្រុមនយោបាយ នៅក្នុងប្រទេស ឬក្រៅប្រទេស នៅឡើយទេ ។
ប៉ុន្តែលោកអំពាវនាវឱ្យសាធារណជន ជាពិសេសអ្នកលេងហ្វេសប៊ុក កុំឱ្យចូលរួមផ្សព្វផ្សាយនូវដំណឹងមិ
នពិតនោះ ដែលជាការចូលរួមប្រព្រឹត្តបទល្មើស ដោយមិនដឹងខ្លួន ។
លោកបានបន្តទៀតថា «កន្លងទៅ យើងស្រាវជ្រាវទៅ វាអត់មានអីសោះ។ ជាក់ស្តែងដូចជាករណីព្រឹក
មិញ នៅកំពង់សោម ដែលមានការបង្ហោះថា មានការវះពោះក្មេងដល់ជាក់ស្តែង អត់មានទេ ហើយករ
ណីនេះ ដូចទៅនឹងករណីទូទៅអញ្ចឹង អត់មានអីជាក់ស្តែងទេ ដូច្នេះប្រហែលជាអាចមានការណែនាំ មា
នមេដើម្បីបើកយុទ្ធនាការហ្នឹងបំផុសផ្សាយអំពីសភាពការណ៍នេះ ដើម្បីបង្ហាញអំពីអសមត្ថភាពរបស់
សមត្ថកិច្ច» ។
ទោះជាយ៉ាងណាលោក ខៀវ សុភ័គ បានស្នើថា បើសិនជាមានករណីចាប់ក្មេងពិតប្រាកដមែននោះ
ត្រូវរាយការណ៍ជាបន្ទាន់ទៅសមត្ថកិច្ច ដូចដែលបានប្រកាសលេខដោយក្រសួងមហាផ្ទៃ នាពេលកន្លង
មក ។ ប៉ុន្តែយើងនឹងធ្វើការបន្តទៀត ប៉ុន្តែក្នុងន័យនេះ យើងសូមជំរាបជូនម្ចាស់ Account ទាំងអស់
ត្រូវទទួួលខុសត្រូវចំពោះមុខច្បាប់ បើសិនជា មានការផ្សព្វផ្សាយករណីមិនពិតចំពោះរឿងនេះតទៅទៀ
ត ៕
Post a Comment