ប្រភពព័ត៌មានពីសាក្សីឃើញហេតុការណ៌ ឈ្មោះ ជា ហឿន ភេទប្រុស អាយុ៤៤ ឆ្នាំ មុខរបរសន្តិសុខ បានអោយដឹងថាមុនពេលកើតហេតុនោះគឺគាត់បានឃើញជនសង្ស័យមួយក្រុមជិះម៉ូតូ2ទៅ3 ម៉ូតូមានគ្នា4ទៅ5នាក់ ជិះយ៉ាងលឿនគាត់ក៏រត់ចេញទៅមើលក៏ឃើញស្រ្តីពោះធំម្នាក់ជាជនរងគ្រោះគាត់ស្រែកថាចោរៗលឺក្សៅៗហើយក៏ឃើញជនសង្ស័យម្នាក់ក្នុងចំណោមបក្សពួកដកកាំភ្លើងបាញ់ឡើងទៅលើតែសំណាងល្អមិនផ្ទុះបន្សល់ទុកគ្រាប់កាំភ្លើងមិនទាន់ផ្ទុះនៅនឹងកន្លែងកើតហេតុ។
ជនរងគ្រោះមានឈ្មោះ ឡាច វង្សសារ៉ាត់ អាយុ៣៤ឆ្នាំ មុខរបរលក់ដូរ ផ្ទះជួលទួលសង្កែល សង្កាត់ទួលសង្កែល ខណ្ឌឬស្សីកែវ បានប្រាប់អោយដឹងថាមុនពេលកើតហេតុគាត់ទៅយកកូនចេញពីរៀននៅសាលាសុវណ្ណភូមិ(ក្បែរទីកន្លែងកើតហេតុ) ជិះម៉ូតូម៉ាកសង់125 ស៊េរី2016 ពណ៌ខ្មៅ ស្លាកលេខភ្នំពេញ 1FX 4778 តាមផ្លូវលេខ287 ស្រាប់តែមកដល់ក្បែរនិងក្រុមហ៊ុនស្កាយ31 ស្រាប់តែមានជនសង្ស័យចំនួន2នាក់ជិះម៉ូតូ1គ្រឿងមិនចាំម៉ាកនិងស្លាកលេខមកឈប់ពីមុខគាត់រួចស្រែកអោយគាត់ចុះពីលើម៉ូតូគាត់ក៏ឆ្ងល់រួចបានដកសោរម៉ូតូយកមកទុកហើយស្រែកថាចោរៗភ្លាមនោះជនសង្ស័យបានដកកាំភ្លើងបាញ់ឡើងទៅលើតែសំណាងល្អវាអត់ផ្ទុះក៏ជិះចេញទៅបាត់ស្រមោលតែម្ដងដោយប្លន់មិនបានសំរេច ។
ក្រោយពេលកើតហេតុសមត្ថកិច្ចព្រហ្មទណ្ឌរាជធានីភ្នំពេញបានចុះសាកសួរភិនភាគជនសង្ស័យដើម្បីកំណត់មុខសញ្ញាចំណែកជនរងគ្រោះវិញបានមកដាក់ពាក្យបណ្ដឹងនៅប៉ុស្ថិ៍នគរបាលបឹងកក់ទី1 ៕
ប្រភពបញ្ចេញមតិ
Post a Comment