រថយន្តក្រឡុកស៊ីម៉ង់ដ៍ក្រុមហ៊ុនយ៉ុងសៀង បានបើកកៀរម៉ូតូ និងកិនយុវជនម្នាក់បណ្តាលឲ្យស្លាប់ រួចបើករថយន្តទៅលាក់ទុកក្នុង...

ស្រុកកណ្តាលស្ទឹង៖ ថ្ងៃទី១៤.០៨.២០១៧មានគ្រោះថ្នាក់ចរាចរណ៍វាងរថយន្ដនិងម៉ូតូ(បណ្ដាលអោយស្លាប់បុរសម្នាក់) កើតហេតុវេលាម៉ោង៩:០០នាទីថ្ងៃទី១៤.០៨.២០១៧ភូមិអន្លង់រមៀតលិច ឃុំអន្លង់រមៀត ស្រុកកណ្ដាលស្ទឹង ខេត្តកណ្ដាល។

ថយន្តបង្កម៉ាក Foton ប្រភេទក្រឡុកស៊ីម៉ង់ពណ៌សពាក់ស្លាកលេខកំពង់ស្ពឺ ជារបស់ក្រុមហ៊ុន(យ៉ុងសៀង) បើកបរដោយឈ្មោះហ៊ាង សំណាងភេទប្រុសអាយុ២៥ឆ្នាំនៅភូមិពោធិ៍ ឃុំថ្កូវ ស្រុកកំពង់ត្របែកខេត្តព្រៃវែង បើកបរក្នុងទិសដៅពីជើងមកត្បូងហើយបត់ស្ដាំ(ភ្នំពេញមកតាកែវ ហើយបត់ស្ដាំ) ចំពោះអ្នកបើកបរគេខខ្លួនបាត់(បានឈ្មោះពីក្រុមហ៊ុន) ម៉ូតូរងគ្រោះម៉ាកសង់ C125ពណ៌ខ្មៅពាក់ស្លាកលេខភ្នំពេញ 1Z-1092 បើកបរដោយឈ្មោះសុខ ស៉ីថៃភេទប្រុសអាយុ១៥ឆ្នាំនៅភូមិត្រពាំងបារគូឃុំត្រពាំងវែងស្រុកកណ្ដាលស្ទឹង ខេត្តកណ្ដាល បើកបរក្នុងទិសដៅពីជើងមកត្បូង(ស្របទិសគ្នា)។

សភាពនៃរឿងហេតុ៖ រថយន្តបង្កបើកក្នុងទិសដៅពីភ្នំពេញមកតាកែវ(ពីជើងមកត្បូង) និងម៉ូតូរងគ្រោះបើកបរស្របទិសគ្នាពេលមកដល់កន្លែងកើតហេតុរថយន្តបានបត់ស្ដាំចូលយកស៉ីម៉ង់ដ៍ក្នុងក្រុមហ៊ុន យ៉ុងសៀង ស្ថិតក្នុងភូមិ ក្រាំងទ្រា ឃុំព្រះនិព្វាន ស្រុកគងពិសីខេត្តកំពង់ស្ពឺ។បានគៀរម៉ូតូដួលបណ្ដាលអោយកិនពីលើអ្នកបើកបរម៉ូតូស្លាប់នៅកន្លែងកើតហេតុតែម្ដង ហើយរថយន្តបង្ករបានបើកយកមកទុកនៅក្នុងការដ្ឋានក្រឡុកស៉ីម៉ង់តែម្ដង ចំពោះអ្នកបើកបរគេចខ្លួនបាត់។

វត្តុតាងរថយន្ត និងម៉ូតូកម្លាំងជំនាញបានយកមករក្សារទុកនៅអធិការដ្ឋានជាបណ្ដោះអាសន្ន ចំពោះសាកសពបានប្រគល់ជូនសាច់ញាតិបងប្អូនយកទៅធ្វើបុណ្យតាមប្រពៃណី។

ប្រភពបញ្ចេញមតិ

ភ្ចាប់ទំនាក់ទំនងជាមួយAngkorBodyយើងខ្ញុំ