តោះ ក្រឡេកទៅមើលភូមិកុលសម្ព័ន្ធ Doi Pui Mong នៅថៃ។ ពិតជាមានធម្មជាតិដ៏ស្រស់ត្រកាលមែន!

ភាគខាងជើងនៃប្រទេសថៃកំពុងមានការទាក់ទាញភ្ញៀវទេសចរមកពីទូទាំងពិភពលោក ដោយសារតែសម្រស់នៃភូមិកុលសម្ព័ន្ធ Doi Pui Mong។ ជនជាតិភាគតិចទាំងនេះបានរស់នៅលើភ្នំនៃប្រទេសថៃរាប់រយឆ្នាំមកហើយដែលភាគច្រើនមកពីប្រទេសវៀតណាម ទីបេ នេប៉ាល់ ឡាវ ភូមា និងចិន។ ដើម្បីទៅដល់ភូមិរបស់ពួកគេ យើងត្រូវធ្វើដំណើរដោយការជិះក្បូនទៅកាន់ភូមិមួយនៅភាគខាងជើង។

នៅទីនោះមានកុលសម្ព័ន្ធភ្នំចំនួន៦។ ពួកគេគឺជា Lisu, Karen, Mien (Yao), Hmong, Akha និងកុលសម្ព័ន្ធ Lahu ដែលពួកគេមានវប្បធម៌ខុសប្លែកពីគ្នា។ ភ្ញៀវទេសចរអាចស្គាល់តាមរយៈការរស់នៅរបស់ពួកគេ។

 ភ្ញៀវទេសចរត្រូវជិះក្បូនតាមទន្លេ Mae Taeng ដែលកាត់តាមព្រៃធំនៅតំបន់ភាគខាងជើង។ ផ្លូវនោះអាចធ្វើឲ្យភ្ញៀវទេសចរមើលឃើញរុក្ខជាតិបៃតងខៀវស្រងាត់នៅលើជ្រុងម្ខាងនៃច្រាំងទន្លេនៅពេលដែលវាអណ្ដែតលើទឹក។ នៅតាមផ្លូវ អ្នកនឹងមានឱកាសឃើញសត្វព្រៃនៅតំបន់នេះ ក៏ដូចជាការនេសាទត្រីក្នុងស្រុកនៅលើផ្ទៃទឹកដ៏ស្ងប់ស្ងាត់។ តោះ ទៅមើលរូបថតនៅតំបន់នោះទាំងអស់គ្នា៕
ប្រភព៖ theculturetrip ប្រែ​សម្រួល៖ sophea kheang 

ភ្ចាប់ទំនាក់ទំនងជាមួយAngkorBodyយើងខ្ញុំ