ភ្នំពេញ៖ក្រោយពីប្រមុខ រាជរដ្ឋាភិបាលកម្ពុជា បានបញ្ជាឲ្យឡាវដកកងទ័ពចេញ ជាបន្ទាន់ពីបន្ទាត់ព្រំដែនកម្ពុជា-ឡាវ នៅត្រង់ចំណុចអូរអាឡៃ និងអូរតាង៉ាវ ព្រំដែនខេត្តស្ទឹងត្រែង (កម្ពុជា) និងខេត្តអាតាពើ(ឡាវ) រហូតមកដល់រសៀលថ្ងៃទី១១ ខែសីហា ឆ្នាំ២០១៧នេះ មិនទាន់មានបញ្ហាអ្វី កើតឡើងនៅឡើយទេ។
បញ្ហាព្រំដែនជាមួយឡាវនេះ នាយករដ្ឋមន្រ្តីកម្ពុជា សម្តេចតេជោ បានប្រកាសថា នឹងទៅឡាវថ្ងៃស្អែក
ដោះស្រាយបញ្ហាព្រំដែន លើកចុងក្រោយ បន្ទាប់ពីឡាវបានពង្រាយ កងទ័ពនៅព្រំដែន។ សម្តេចថា
កម្ពុជាមិនត្រូវការដី ប្រទេសជិតខាងណាមួយ ចង្អាមឡើយ ហើយប្រទេសជិតខាង ដាច់ខាតមិន
អនុញ្ញាត បំពានលើកម្ពុជាមួយ ចង្អាមនោះដែរ ។
លោក ឈុំ សុជាតិ អ្នកនាំពាក្យក្រសួងការពារជាតិ បានប្រាប់មជ្ឈមណ្ឌលព័ត៌មានដើមអម្ពិលថា
“មិនទាន់មានអ្វីជាការ កត់សំគាល់នៅឡើយទេ។ យើងចាំមើលបន្តទៀត”។
ទាក់ទងកងទ័ពវិញលោកថា កងទ័ពបានត្រៀមលក្ខណៈរួចជាស្រេច ក្នុងការការពារទឹកដី មិនឲ្យ
បាត់បង់មួយចង្អាមឡើយ ហើយរង់ចាំតែបទបញ្ជា ពីនាយករដ្ឋមន្រ្តីប៉ុណ្ណោះ៕
Post a Comment