ខេត្តតាកែវ ៖ បុរសម្នាក់បានស្លាប់ភ្លាមៗបន្ទាប់ពីបានជួប និងករណីគ្រោះថ្នាក់ចរាចរណ៍មួយ ដែលហេតុការណ៍នេះ កើតឡើងនៅវេលាម៉ោង ៤:២០នាទីព្រឹកថ្ងៃទី ១២ ខែ សីហា ឆ្នាំ ២០១៧ ស្ថិត លើផ្លូវជាតិលេខ ២ ចន្លោះគីឡូម៉ែត្រលេខ ៩៣-៩៤ នៅត្រង់ចំណុចភូមិប្រាំបីមុំ ឃុំប្រាំបីមុំ ស្រុកទ្រាំង ខេត្តតាកែវ ។
យោងតាមសមត្ថកិច្ចស្រុកទ្រាំង បានអោយដឹងថា ករណីគ្រោះថ្នាក់ចរាចរណ៍ខាងលើ កើតឡើងរវាងម៉ូតូ និងរថយន្ត ជនរងគ្រោះឈ្មោះ ហង់ សារ៉េត ភេទ ប្រុស អាយុ ៣៥ ឆ្នាំ មុខរបរកសិករ រស់នៅភូមិកំពង់ជ្រៃ ឃុំ ស្មោង ស្រុកទ្រាំង ខេត្តតាកែវ ស្លាប់នៅនឹងកន្លែងកើតហេតុ អ្នករួមដំណើម្នាក់ទៀតឈ្មោះ នាង សុភា ភេទ ប្រុស អាយុ ៣៨ ឆ្នាំ មុខរបរកសិករ រស់នៅភូមិឃុំជាមួយគ្នា រងរបួសធ្ងន់ ចំណែករថយន្តដែលបង្ករហេតុបានបើករត់គេចបាត់ស្រមោល ។
បច្ចុប្បន្នសពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី ចំណែកម៉ូតូត្រូវបានកម្លាំងជំនាញយកមករក្សាទុកនៅអធិការដ្ឋាន ៕
ប្រភពបញ្ចេញមតិ
Post a Comment