កោះទន្សាយគឺជាកោះមួយក្នុងចំណោមកោះទាំង១៣នៅក្នុងដែនសមុទ្រ ខេត្ដកែប ។ អ្វីដែលគេចាប់អារម្មណ៍នៅលើកោះនោះគឺមានរុក្ខជាតិស្រស់ត្រកាល និងអាកាសធាតុត្រជាក់ស្រួល ចំណែកនៅលើវាលខ្សាច់ដ៏សក្បុសមានសំលេងទឹករលកបោកប៉ះនឹងថ្មដែលដុះប៉ប្រះលើផ្ទៃទឹកធ្វើឱ្យភ្ញៀវជាតិ និងអន្ដរជាតិមកលំហែកាយនៅ ទីនោះមិនចេះជិនណាយឡើយ ។ លោកស្រីលី វួយអាយ ប្រធានសហគមន៍ប្រជាពលរដ្ឋនៅកោះទន្សាយមានប្រសាសន៍ថា បច្ចុប្បន្ននៅកោះទន្សាយមានប្រជាពលរដ្ឋរស់នៅចំនួន១៤គ្រួសារ ។ កាលពីឆ្នាំ១៩៩៣ សម្ដេចតេជោ ហ៊ុន សែន បាន អញ្ជើញមកកោះទន្សាយនេះម្ដងដែលកាលណោះសម្ដេចបានផ្ដល់នូវកាំបិត ចប ហើយសម្ដេចបានប្រាប់ថា ផ្លែដូងរបស់ប្រជាពលដ្ឋនៅលើកោះនេះមិនឱ្យមន្ដ្រីខេត្ដយកពន្ធពីពួកគាត់ទេ ។ ការបង្កើតសហគមន៍នៅលើកោះទន្សាយនេះពិតជាធ្វើឱ្យពួកគាត់មានជីវភាពធូរធារមួយកំរិតទៀតដោយសារតែមានភ្ញៀវទេសចរអន្ដរជាតិមកកំសាន្ដនៅតាមបណ្ដោយឆ្នេរនេះយ៉ាងច្រើនកុះករ ម្យ៉ាងវិញទៀត មានផ្ទះសំណាក់សំរាប់ការស្នាក់នៅផងដែរក្នុងតំលៃយ៉ាងសមរម្យ។
សព្វថ្ងៃនេះកោះទន្សាយគឺជាកន្លែងទាក់ទាញទេសចរណ៍ដ៏សំខាន់សម្រាប់ខេត្តកែប មានផ្ទះសំណាក់
ប្រហែល៨ និង ភោជនីយដ្ឋានប្រហែល ៥ បានបើកក្នុងមូលដ្ឋានកោះនោះ ដែលបម្រើសេវា
អាហារសមុទ្រស្រស់ៗដ៏សំខាន់ដូចជា ក្ដាម បង្កង និង ត្រី ពេលថ្ងៃសព្វថ្ងៃ មានប្រជាជន ៧ គ្រួសាររស់នៅលើកោះនេះ ពួកគេប្រកបរបរនេសាទនិងដាំដើមដូង។
សព្វថ្ងៃសហគមន៍ នេះមានទូកសម្រាប់ដឹកភ្ញៀវចំនួន១៦គ្រឿង ទូកមួយគ្រឿងៗដឹកភ្ញៀវយកឈ្នួល២៥ដុល្លារ សម្រាប់ការចម្លងទាំងទៅទាំងមក។ សម្រាប់ភ្ញៀវជាតិ អាច ដាក់បាន ៨ នាក់ក្នុង ១ ទូក នឹង ភ្ញៀវអន្តរជាតិ អាច ជិះបាន ៦ នាក់។
នៅថ្ងៃធម្មតា មានភ្ញៀវឆ្លងទៅលេងកោះទន្សាយមានចំនួនពី ១៥ ទៅ២០ទូក ប៉ុន្តែបើថ្ងៃបុណ្យទាន មានពី៤០ទូក ទៅ៥០ទូកឯណោះ។
ដូច្នេះបើសិនជាមិត្តយុវវ័យបានទៅលេងឆ្នេរសមុទ្រ ខេត្តកែប កុំភ្លេចឆ្លងទៅកោះទន្សាយណា៎!
រូបភាពភ្ញៀវដែលបានទៅរូចហើយ
និពន្ធ ដោយលោក កែវ ភួង សម្រួលដោយ សុខ កប
នៅថ្ងៃធម្មតា មានភ្ញៀវឆ្លងទៅលេងកោះទន្សាយមានចំនួនពី ១៥ ទៅ២០ទូក ប៉ុន្តែបើថ្ងៃបុណ្យទាន មានពី៤០ទូក ទៅ៥០ទូកឯណោះ។
ដូច្នេះបើសិនជាមិត្តយុវវ័យបានទៅលេងឆ្នេរសមុទ្រ ខេត្តកែប កុំភ្លេចឆ្លងទៅកោះទន្សាយណា៎!
រូបភាពភ្ញៀវដែលបានទៅរូចហើយ
និពន្ធ ដោយលោក កែវ ភួង សម្រួលដោយ សុខ កប
Post a Comment