២៨ កក្កដា ២០១៧ - ១១:០២ ១៧
កំពង់ធំ : មានករណីគ្រោះថ្នាក់ចរាចរណ៍មួយ ដោយរថយន្តបើកធ្លាក់ផ្លូវ បណ្តាលឱ្យស្ត្រីម្នាក់ស្លាប់ក្នុងរថយន្ត កើតឡើងកាលពីវេលាម៉ោង១២រំលងអធ្រាត្រឈានចូលថ្ងៃទី២៧កក្កដា ស្ថិតនៅលើផ្លូវជាតិលេខ៦ត្រង់ចំណុចភូមិសូយោង ឃុំសូយោង ស្រុកបារាយណ៍ ខេត្តកំពង់ធំ ។
លោកអធិការរងនគរបាលស្រុកបារាយណ៍ទទួលផ្នែកសណ្តាប់ធ្នាប់បានបនអោយដឹងថាយោងតាមការឱ្យដឹងពីកន្លែងកើតហេតុ គេឃើញរថយន្តម៉ាកហាយឡែនឌ័រ ពណ៌ទឹកប្រាក់ ពាក់ស្លាកលេខភ្នំពេញ 2AE-0453 បើកដោយស្ត្រីម្នាក់ក្នុងល្បឿនយ៉ាងលឿន ។ លុះមកដល់ចំណុចកើតហេតុ មិនដឹងជាមូលហេតុអ្វី រថយន្តក៏រេចង្កូតទៅបុកបង្គោលថ្មដែលគេដាំដាក់ស្លាកសញ្ញាចរាចរណ៍នៅខាងស្តាំដៃរបស់ខ្លួនក្រឡាប់ធ្លាក់ថ្នល់បណ្តាលឲ្យស្លាប់អ្នកបើកបរនៅក្នុងរថយន្ត ។
ក្រោយពេលកើតហេតុ សមត្ថកិច្ចជំនាញចុះទៅធ្វើការវាស់វែង និងត្រួតពិនិត្យទើបស្គាល់អត្តសញ្ញាណជនរងគ្រោះជាស្ត្រីអ្នកបើកបររថយន្តឈ្មោះរស់ វណ្ណា អាយុ៤៨ឆ្នាំ រស់នៅភូមិប៉ាណា ឃុំសូទិព្ធ ស្រុកជើងព្រៃ ខេត្តកំពង់ចាម រួមទាំងប្រទះឃើញគ្រឿងមួយចំនួន, ប័ណ្ណបើកបរ និងអត្តសញ្ញាណប័ន ។
Post a Comment