លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានមានប្រសាសន៍ប្រាប់ដល់ក្រុមអ្នកសារព័ត៌មាន ក្រោយបញ្ចប់ពិធីកាត់ខ្សែបូរថា ការដាក់ឲ្យដំណើររថយន្តមន្ទីរពិសោធន៍ទីពីរ បន្ទាប់ពីរថយន្តមន្ទីរពិសោធន៍ចល័តទីមួយផ្នែកត្រួតពិនិត្យគុណភាពនិងសុវត្ថិភាពម្ហូបអាហារកាលពីចុងឆ្នាំ២០១៦ គឺក្នុងគោលបំណងជួយការពារផលប្រយោជន៍អ្នកប្រើប្រាស់ប្រេងឥន្ធនៈគ្រប់មជ្ឈដ្ឋានដែលអាចវិភាគរកនូវប៉ារ៉ាម៉ែត្រពាក់ព័ន្ធនឹង ផលិតផលទំនិញជាប្រេងឥន្ធនៈទាំងលើផ្នែកគុណភាព និងបរិមាណ។ លោកបន្តថា រថយន្តថ្មីនេះ នឹងជួយពង្រឹងប្រសិទ្ធភាពការងាររបស់មន្ត្រីកាំកុងត្រូល ក្នុងការចុះត្រួតពិនិត្យប្រេងឥន្ធនៈនៅតាមស្ថានីយ៍ ឬដេប៉ូ ចែកចាយនៅទូទាំងប្រទេស ព្រោះមានបំពាក់ដោយឧបករណ៍ទំនើប ដែលអាចវិភាគរកនូវប៉ារ៉ាម៉ែត្រ នៃ ផលិតផលទំនិញជាប្រេងឥន្ធនៈទាំងផ្នែកគុណភាព និងបរិមាណ។
លោករដ្ឋមន្ត្រីលើកឡើងថា នៅក្នុងរថយន្តមន្ទីរពិសោធន៍ចល័តនេះ មានបំពាក់នូវឧបករណ៍សំខាន់ៗ ចាំបាច់ មានដូចជា៖ កម្រិតលំអៀងខុសគ្នានៃមាឌ (Volume) ដែលបាញ់បញ្ចូលក្នុង Reservoir យានយន្ត ចំណុះ០៥លីត្រ, ១០លីត្រ, ២០លីត្រ, និង៥០លីត្រ, ដង់ស៊ីតេ, Color,សន្ទស្សនៃចំនួនអុកតានរបស់ប្រេងសាំង ប្រេងម៉ាស៊ូត, កម្រឹតនៃការហួតហើរ (Volatility) របស់ប្រេងសាំង និងក្នុងករណីមានការតម្រូវចាំបាច់មន្ទីរពិសោធន៍នឹងបូម យកគំរូប្រេងម៉ាស៊ីនដើម្បីវាយតម្លៃអំពីគុណភាពដែលអះអាងនៅលើស្លាកសញ្ញាទៅ តាមយថាប្រភេទប៉ារ៉ាម៉ែត្រផ្សេងៗទៀត។
សូមជម្រាបថា បន្ទាប់ពីដាក់ឲ្យដំណើរការរថយន្តមន្ទីរពិសោធន៍ចល័តផ្នែកប្រងឥន្ធនៈនេះ មន្ត្រីនៃ អគ្គនាយកដ្ឋានកាំកុងត្រូល នឹងធ្វើការចុះត្រួតពិនិត្យគុណភាពប្រេងឥន្ធនៈគ្រប់ប្រភេទដូចជា៖ ប្រេងម៉ាស៊ូត, ប្រេងសាំង (ស៊ុបពែរ និងសាំងធម្មតា)និងប្រេងម៉ាស៊ីននៅតាមស្ថានីយ៍ និងដេប៉ូចែកចាយប្រេងឥន្ធនៈ ទូទាំងប្រទេសសំដៅធានាភាពជឿជាក់ជូនប្រជាពលរដ្ឋក្នុងការទទួលបានទំនិញជាប្រេងឥន្ធនៈប្រកប ដោយគុណភាព និងបរិមាណត្រឹមត្រូវ ព្រមទាំងធានានូវការធ្វើធុរកិច្ចប្រកបដោយសមធម៌ និងរក្សាសណ្តាប់ ធ្នាប់ទីផ្សារប្រេងឥន្ធនៈនៅកម្ពុជា៕ដោយ: ពៅ និមល/sn
៖ ក្រសួងពាណិជ្ជកម្ម នៅព្រឹកថ្ងៃទី៣១ ខែសីហា ឆ្នាំ២០១៧ នេះបានប្រកាសដាក់ឲ្យដំណើរការជាផ្លូវការនូវរថយន្តមន្ទីរពិសោធន៍ចល...){kind=link}
Post a Comment