១៤ កញ្ញា ២០១៧ - ១១:០៤
ភ្នំពេញៈ ហេតុការណ៍នេះ បានបង្កការភ្ញាក់ផ្អើលនៅវេលាម៉ោង៣និង៥០នាទី ទៀបភ្លឺថ្ងៃទី១៤ ខែសីហា ឆ្នាំ២០១៧ នៅចំណុចមុខផ្ទះប្រជាពលរដ្ឋទល់មុខផ្សារសូរិយ៉ាម៉ល តាមបណ្ដោយផ្លូវលេខ១៥៤ ស្ថិតក្នុងសង្កាត់ផ្សារថ្មី២ ខណ្ឌដូនពេញ រាជធានីភ្នំពេញ។
គេតែងតែឃើញបុរសអនាថារងគ្រោះរូបនេះ ដើរទៅមកនៅម្ដុំនេះជារៀងរាល់ថ្ងៃ ប៉ុន្តែគេមិនដែលស្គាល់អត្តសញ្ញាណឡើយ ហើយតែងដេកនៅមុខគេរហូតមក។ នៅថ្ងៃកើតហេតុនេះ បុរសរងគ្រោះបានទៅដេកនៅមុខផ្ទះប្រជាពលរដ្ឋ(កន្លែងកើតហេតុ)ដូចសព្វមួយដង លុះខណៈគាត់កំពុងលង់លក់ក្នុងដំណេកនោះ ស្រាប់តែមានគេបើករថយន្តមិនចាំម៉ាក បានថយក្រោយទៅកិនពីលើគាត់ ហើយរថយន្តបើកអូសជាង៥ម៉ែត្រ បណ្ដាលឲ្យគាត់ដេកប្រកាច់រហូតដល់ស្លាប់យ៉ាងអាណោចអាធ័ម។ ចំណែករថយន្តបង្ក ក្រោយកើតហេតុ បានបើកគេចខ្លួនបាត់ស្រមោលតែម្ដង ៕
ប្រភពបញ្ចេញមតិ
Post a Comment