១៣ កញ្ញា ២០១៧ - ១៦:១៦
បន្ទាយមានជ័យៈ ហេតុការណ៍នេះបានកើតឡើង កាលពីវេលាម៉ោង២ និង១៥នាទីអធ្រាត្រ ថ្ងៃទី១៣ ខែសីហា ឆ្នាំ២០១៧ យុវជនម្នាក់បានបាត់បង់ជីវិតបន្ទាប់ពីជិះម៉ូតូលឿនជ្រុលទៅបុករថយន្តដែលគេឈប់ចតស្ងៀមពីក្រោយ ។
កាលពីវេលាម៉ោងខាងលើ មានករណីគ្រោះថ្នាក់ចរាចរណ៍មួយបានកើតឡើងបណ្តាលឲ្យយុវជនមិនស្គាល់អត្តសញ្ញាណម្នាក់ស្លាប់ បន្ទាប់ពីជិះម៉ូតូលឿនជ្រុលបុកគូថរថយន្តដែលគេឈប់ចតស្ងៀមពីក្រោយ។ ករណីគ្រោះថ្នាក់ចរាចរណ៍នេះកើតឡើងនៅលើកំណាត់ផ្លូវជាតិលេខ៥ នៅចំណុចមុខសាលាបឋមសិក្សាអូរអំបិល ស្ថិតក្នុងភូមិ-សង្កាត់អូរអំបិល ក្រុងសិរីសោភ័ណ។
បច្ចុប្បន្នកំពុងស្វែងរកសាច់ញាតិ ដើម្បីទទួលសពយកទៅធ្វើបុណ្យតាមប្រពៃណី ចំណែកម៉ូតូ និងរថយន្ត នគរបាលផ្នែកចរាចរណ៍ផ្លូវគោកអូសយកទៅរក្សាទុកនៅអធិការដ្ឋាននគរបាលខេត្តបន្ទាយមានជ័យរង់ចាំការដោះស្រាយ ៕
Post a Comment