លោកវរសេនីយ៍ត្រី ជា ដា មេបញ្ជាការមូលដ្ឋាន កងរាជអាវុធហត្ថ ក្រុងប៉ោយប៉ែត បានឲ្យដឹងថា ជនរងគ្រោះ ឈ្មោះ ទ ច ស ហ ង ជាកុមារី អាយុ១០ឆ្នាំ រស់នៅក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។ ជនសង្ស័យ ឈ្មោះ ជ្រុញ រ៉េត អាយុ៣៦ឆ្នាំ ជាកម្មករសំណង់ រស់នៅភូមិចាន់គីរី សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ត្រូវជាពូថ្លៃ របស់កុមារីរងគ្រោះ។
កុមារីរងគ្រោះ បានប្រាប់សមត្ថកិច្ចថាៈ ពូរបស់នាង តែងតែបបួលទៅលេងទឹក ក្រោយមក ចាប់ឱប
រឹតខ្លួន ហើយយកដៃស្ទាប ចាប់រំលោភ រួចមិនឱ្យនិយាយប្រាប់ ឪពុកម្តាយ ព្រោះខ្លាចពូថ្លៃធ្វើបាប។
កុមារីរងគ្រោះ បានបញ្ជាក់ទៀតថា នៅមុនពេលកើតហេតុនោះ ជនសង្ស័យ ឈ្មោះរ៉េត បានមកផ្ទះ
របស់ខ្លួន ហើយបានបបួល កុមារីរងគ្រោះ ឈ្មោះ ទ ច ស ហ អាយុ១០ឆ្នាំ និងប្អូនម្នាក់ទៀត ឈ្មោះទ
ស ណ អាយុ៨ឆ្នាំ ត្រូវបានពូថ្លៃ នាំទៅរកជីកទំពាំង នៅម្តុំព្រៃឫស្សី ក្រោយស្រះត្រជាក់ចិត្តថ្មី មាន
ចំងាយប្រហែល ២៥០ ម៉ែត្រ ពីផ្ទះរហូតដល់ម៉ោង ១ ថ្ងៃត្រង់ ។ ពេលមកដល់កន្លែង ជីកទំពាំង
ឈ្មោះ រ៉េត បានធ្វើសកម្មភាព ចាប់រំលោភ រហូតដល់បានសំរេចបំណង ទើបវិលត្រឡប់មកផ្ទះវិញ។
កុមាររងគ្រោះ ឈឺប្រដាប់ភេទ ក៏និយាយប្រាប់ម្តាយថា ពូរ៉េតជិះម៉ូតូបណ្តើរ យកដៃលូកចាប់
ប្រដាប់ភេទខ្លួន ទើបបែករឿង ចាប់រំលោភកុមារី ឈ្មោះទ ស ហ អស់រយៈពេល ២ ឆ្នាំ កន្លងផុត
មកហើយ។
ម្តាយជនរងគ្រោះ បានទៅដាក់ពាក្យបណ្តឺង ទៅអាវុធហត្ថក្រុងប៉ោយប៉ែត ឲ្យជួយធ្វើអន្តរាគមន៍
ក្រោយពីទទួលបាន ពាក្យបណ្តឹង កងរាជអាវុធហត្ថ ក្រុងប៉ោយប៉ែត។
លោកអនុសេនីយ៍ឯក ស សុភ័ត្រា មេបញ្ជាការរងស្តីទី បានដឹកនាំកម្លាំងអាវុធហត្ថ មួយក្រុម
ចុះប្រតិបត្តិការ ដល់ទីលំនៅ និងធ្វើការឃាត់ខ្លួន ជនសង្ស័យ បានភ្លាមៗ ហើយបញ្ជូនមកមូលដ្ឋាន
អាវុធហត្ថក្រុង ដើម្បីសាកសួរ ហើយបានបញ្ជូនសំណុំរឿង មកទីបញ្ជាការកងរាជអាវុធហត្ថ
ខេត្តបន្ទាយមានជ័យ ដើម្បីសួរចម្លើយបន្ត។
លោកវរៈសេនីយ៍ទោ ព្រហ្ម ថេង ប្រធានមន្ទីរយុត្តិធម៌ បានប្រាប់ឲ្យដឹងថាៈ ចំលើយរបស់ជនសង្ស័យ
បានឆ្លើយសារភាពថា ខ្លួនពិតជាបានប្រព្រឹត្ត និងចាប់រំលោភក្មួយថ្លៃ បានសំរេច អស់រយៈពេល ២
ឆ្នាំកន្លងមក ហើយពិតប្រាកដម៉ែន។
លោកសេនីយ៍ទោ ព្រហ្ម ថេង បានបញ្ជាក់ទៀតថា ស្តាប់ចំលើយរបស់ ជនសង្ស័យរួចហើយ មានភាព
ស៊ីសង្វាក់គ្នា បង្ហាញពីតំរុយ នៃបទល្មើសដូច្នេះ ជនសង្ស័យឈ្មោះ ជ្រុញ រ៉េត ពិតជាបានប្រព្រឹត្តករណី
រំលោភសេពសន្ថវៈ និងប្រើប្រាស់គ្រឿងញៀន ខុសច្បាប់ទៀត កន្លងមកទៀតនោះ កំលាំងជំនាញ
បានកសាងសំណុំរឿង បញ្ជូនទៅតុលាការ ដើម្បីដាក់ទោស ទៅតាមផ្លូវច្បាប់៕
Post a Comment