ក្រចេះ ៖ ជនសង្ស័យបីនាក់ ពាក់ពន្ធ័ករណីរឿងជួញដូរ និងប្រើប្រាស់គ្រឿងញៀន ត្រូវបានកម្លាំងអាវុធហត្ថស្រុកស្នូល ក្រោមការសម្របសម្រួល ដោយលោក កែវ សុជាតិ ព្រះរាជអាជ្ញាអមសាលាដំបូងខេត្តក្រចេះ ឃាត់ខ្លួនបាន នៅទីកន្លែងផ្សេងគ្នា កាលពីថ្ងៃទី៤ ខែសីហា ឆ្នាំ២០១៧ ត្រង់ផ្លូវចូលក្រុមហ៊ុនកៅស៊ូដាយណាម ស្រុកស្នូល ឃាត់ខ្លួនបានម្នាក់និង២នាក់ទៀតឃាត់នៅភូមិក្រញូងសែនជ័យ ឃុំក្រញូងសែនជ័យ ស្រុកស្នូល ខេត្តក្រចេះ។
ជនសង្ស័យ ទី១ឈ្មោះ ទិទ្យ ចន្ទ្រា ភេទប្រុស អាយុ២២ឆ្នាំ ជនជាតិខ្មែរ រស់នៅភូមិក្រញូងសែនជ័យ ឃុំក្រញូងសែនជ័យ ស្រុកស្នូល ខេត្តក្រចេះ មុខរបរ មិនពិតប្រាកដ ចាប់បាននៅចំនុចចំការកៅស៊ូ។ ជនសង្សយ័ ទី២ ឈ្មោះ ឃឿ ពៅ ភេទប្រុស អាយុ៣៥ឆ្នាំ ជនជាតិខ្មែរ រស់នៅក្នុងភូមិជាមួយជនសង្ស័យទីមួយដែរ មានមុខរបរមិនពិតប្រាកដដូចគ្នា។ រីឯជនសង្ស័យ ទី៣ ឈ្មោះ ញេត ធីត ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិមិល ឃុំឃ្សឹម ស្រុកស្នូល ខេត្តក្រចេះ។
ក្រោយពីឃាត់ខ្លួន អាវុធហត្ថស្រុកស្នូល បានដកហូតវត្ថុតាងរួមមាន ម៉ូតូសេ ១២៥ ពណ៌ខ្មៅ គ្មានផ្លាកលេខ ១គ្រឿង ដាវសាំម៉ូរៃ១ដើម ម្សៅក្រាមពណ៌ស សង្ស័យជាគ្រឿងញៀន មួយចំនួន និងគ្រឿងញៀន ពណ៌ក្រហម២កញ្ចប់ ជញ្ជីងថ្លឹងសារជាតិញៀនមួយគ្រឿង ទូរសព្ទ័ដៃ២គ្រឿង កាំភ្លើងកែច្នៃ១ដើម និងសម្ភារៈប្រើប្រាស់ថ្នាំញៀនមួយចំនួន ៕
Post a Comment