ភ្នំពេញ:
ហេតុការណ៍បង្កឲ្យមានការភ្ញាក់ផ្អើលយ៉ាងខ្លាំង
នេះបានកើតឡើងកាលពីវេលាម៉ោង៦និង៣០នាទីព្រលប់ថ្ងៃទី២៦ខែកក្កដាឆ្នាំ២០១៧
ស្ថិតនៅតាមបណ្ដោយផ្លូវជាតិលេខ៥នៅចំនុចមុខសាលាប៊ែលធី
ក្នុងភូមិផ្សារតូចសង្កាត់ទួលសង្កែ ខណ្ឌឫស្សីកែវ ។
ជនសង្ស័យមានឈ្មោះចាំង ភេទស្រីអាយុ២៦ឆ្នាំមុខរបរ កោសខ្យល់
ស្នាក់ភូមិសាមគ្គី សង្កាត់ឫស្សីកែវ ខណ្ឌឫស្សីកែវ ។
ចំណែកក្មេងស្រីរងគ្រោះមានឈ្មោះរស់ ស្រីនិច ភេទស្រី
អាយុ១៤ឆ្នាំមុខរបរ សិស្ស ស្នាក់នៅជាមួយម្ដាយរីឯឪពុកមានឈ្មោះ អឹម
រិទ្ធី ភេទប្រុសអាយុ៣៨ឆ្នាំមុខរបរ ជាងសំណង់ ម្ដាយមានឈ្មោះសួន ស្រីឡឹង
ភេទស្រី អាយុ៣៣ឆ្នាំមុខរបរ នៅផ្ទះ
អ្នកទាំង៣ស្នាក់នៅភូមិផ្សារតូចសង្កាត់ទួលសង្កែ ខណ្ឌឫស្សីកែវ
ជាមួយគ្នា ។
មុនពេលកើតហេតុរូបគេមកទិញនំហូបនៅមុខសាលាប៊ែលធី
ខណៈដែលកំពុងទិញនំនោះមានជនសង្ស័យម្នាក់ដែលជាស្ត្រី
ជនជាតិវៀតណាមបានមកលួងលោមនិងសួរឈ្មោះ
អាយុហើយបានប្រាប់អោយខ្លួនទៅជួយយកផ្លែឈើតែក្មេងស្រីរងគ្រោះបានប្រាប់ថា
មិនទៅទេខ្លាចប៉ាមកពីធ្វើការវិញវាយឆ្លើយក្មេងស្រីរងគ្រោះបានដើរទៅផ្ទះវិញ
ពេលនោះស្ត្រីដែលជាជនសង្ស័យបានដើរទៅតាមហើយចាប់ទាញដៃរូបគេភ្លាមនោះមានស្ត្រីអ្នករើសអេតចាយម្នាក់ឃើញហើយនិយាយថា
ហេតុអ្វីបានជាមកចាប់កូនគេចឹងភ្លាមនោះជនសង្ស័យបានឆ្លើយថាកុំចេះប្រយត្ន័
រួចក៏បានដើរចេញទៅស្រប់ពេលដែលឪពុកក្មេងស្រីរងគ្រោះមកដល់អ្នកជិតខាងប្រាប់ថា
មានគេចង់ចាប់កូនក៏ផ្អើលឆោឡោ
និងតាមរកឃើញហើយបានចាប់ប្រគល់អោយសមត្ថកិច្ចប៉ុស្តិ នគរបាលទួលសង្កែ
យកមកសាកសួរ បែជាមានអ្នកមកអះអាងថា
ជនសង្ស័យជាមនុស្សសរសៃរប្រាសាទទៅវិញ ធ្វើអោយប្រជាពលរដ្ឋ
ប្រហែលជាង១០០នាក់ដែលកំពុងរង់ចាំចង់ដឹងរឿង
រ៉ាវករណីចាប់ក្មេងនៅទីនោះ
ផ្ទុះកំហឹងនាំគ្នាស្រែកឆោឡោនៅមុខប៉ុស្តិ៍ នគរបាលទួលសង្កែ
សុំអោយសមត្ថកិច្ចស្រាវជ្រាវអោយបានច្បាស់
ព្រោះមួយរយៈនេះលិចលឺពាក្យចចាមរ៉ាមថា
មានករណីបាត់ក្មេងច្រើនណាស់ បន្ទាប់មកមានប្រជាពលរដ្ឋ
ប៉ុន្មានជាជាង២០នាក់រួមទាំងម្ចាស់ផ្ទះជួល របស់ស្ត្រីដែលជាជនសង្ស័យ
ផងនោះបានមកអះអាងថា ជនសង្ស័យពិតជាមានជំងឺសរសៃរប្រាសាទ ហើយ
បាននាំគ្នាផ្ដិតមេដៃ ធានាថែមទៀត តែប្រជាពលរដ្ឋនៅតែមិនជឿ ។
ក្រោយមកដោយយល់ឃើញថាបងប្អូនប្រជា ពលរដ្ឋ
និងឪពុកម្ដាយក្មេងស្រីរងគ្រោះនៅ តែមិនអស់ចិត្ត
សមត្ថកិច្ចបានសន្យាថា ឃុំខ្លួន ជនសង្ស័យបណ្ដោះអាសន្ន
ដើម្បីរង់ចាំគ្រូពេទ្យធ្វើការពិនិត្យ ដើម្បីអោយដឹងការពិត ៕
Post a Comment