២៧ កក្កដា ២០១៧ - ០៨:០៦ ១០
ភ្នំពេញ
៖ក្រោយពីធ្វើការស្រាវជ្រាវនិងតាមប្រមាញ់មួយរយៈខ្លី ជនសង្ស័យម្នាក់
ដែលជាជនជាតិកូសូវ៉ូ ត្រូវបានកម្លាំងកងរាជអាវុធហត្ថលើផ្ទៃប្រទេស
ចាប់ខ្លួនហើយបញ្ជូនមកកាន់តុលាការក្រុងភ្នំពេញ នៅថ្ងៃទី២៥ កក្កដា
នេះ បន្ទាប់ពីស៊ីដាច់ប្រាក់ របស់ភរិយាលោក កៅ គឹមហួន គឺអ្នកស្រី ឃឹម
រ៉ានី អគ្គនាយិកាទូរទស្សន៍អាស៊ីអាគ្នេយ៍ ជិត៣០លានដុល្លារ ។
ប្រភពពីមន្ត្រីតុលាការបានអោយដឹងថា ជនសង្ស័យឈ្មោះ DENIS COKOVIC ហៅ DENIS DENY ភេទប្រុស អាយុ៥៤ឆ្នាំ ជាជនជាតិកូសូវ៉ូ ត្រូវបានតំណាងអយ្យការលោក សៀង សុខ ចោទពីបទឆបោក និងសមគំនិត ក្នុងអំពើមិនបំពេញកាតព្វកិច្ចចំពោះឧបករណ៍អាចជួញដូរបាន ប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០១៦ ថ្ងៃទី២៨ ខែមេសា ថ្ងៃទី១៦ ខែឧសភា ថ្ងៃទី២៦ ខែឧសភា និង១២ មិថុនា ឆ្នាំ២០១៧ តាមមាត្រា៣៧៧-៣៧៨ នៃក្រមព្រហ្មទណ្ឌ និងមាត្រា២៣១ (មាត្រា២៩ នៃក្រមព្រហ្មទណ្ឌ នៃច្បាប់ស្តីពីឧបករណ៍អាចជួញដូរបាន និងប្រតិបត្តិការទូទាត់សងប្រាក់) ។
ប្រភពពីអ្នកនាំពាក្យកងរាជអាវុធហត្ថលើផ្ទៃប្រទេស លោកឧត្តមសេនីយ៍ អេង ហ៊ី បានប្រាប់ថា រឿងករណីឆបោកលុយរាប់លានដុល្លារនេះ កម្លាំងអាវុធហត្ថបើកប្រតិបត្តិការក្រោមបញ្ជាផ្ទាល់លោកនាយឧត្តមសេនីយ៍ សៅ សុខា ។ ទោះជាយ៉ាងណាលោកអេង ហ៊ី មិនទាន់អោយដឹងស៊ីជម្រៅនោះនៅឡើយទេ ។
បើតាមប្រភពមួយជិតស្និទ្ធនឹងកងរាជអាវុធហត្ថលើផ្ទៃប្រទេស បានបង្ហើបថា កាលពីព្រឹកថ្ងៃទី២៥ កក្កដា ២០១៧ សមត្ថកិច្ចបាននាំខ្លួនជនជាតិកូសូវ៉ូម្នាក់ មកកាន់សាលាដំបូងរាជធានីភ្នំពេញ ដើម្បីធ្វើការសាកសួរ ពាក់ព័ន្ធស៊ីដាច់ប្រាក់ភរិយាលោក កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី មានទឹកប្រាក់ចំនួន២៧លានដុល្លារអាមេរិក តាមរូបភាពរៀបចំ រីស្ស៊ត នៅខេត្តកែប និងកំពត ។
ប្រភពដដែល បង្ហើបអោយដឹងបន្តថា ជនសង្ស័យឈ្មោះ កូកូវ៉ិច ឌឺនីស ភេទប្រុស អាយុ៥៤ឆ្នាំ បានត្រូវសមត្ថកិច្ច កងរាជអាវុធហត្ថលើផ្ទៃប្រទេស ឃាត់ខ្លួនកាលពីថ្ងៃទី២១ កក្កដា នៅសណ្ឋាគារមួយ ក្នុងរាជធានីភ្នំពេញ ។ ប៉ុន្តែនៅពេលឆែកឆេរបុរសរូបនោះ បែរជាកាន់លិខិតឆ្លងដែន ជនជាតិអូស្ត្រាលីទៅវិញ ។
ប្រភពដដែលបន្តទៀតថា បុរសរូបនេះ បានចូលមកប្រទេសកម្ពុជា បើកក្រុមហ៊ុនមួយ ជាមួយអ្នកស្រី ឃឹម រ៉ានី ភរិយាលោក កៅ គឹមហួន និងមនុស្សមួយចំនួនទៀត រួចលើកគម្រោងរៀបចំធ្វើរីស្ស៊ត នៅខេត្តកែប និងខេត្តកំពត ក្នុងទំហំទឹកប្រាក់ រាប់សិបលានដុល្លារអាមេរិក ។
នៅពេលរៀបចំដំណើរការ ជនសង្ស័យរូបនេះ បានប្រាប់សមាជិកភាគហ៊ុនក្នុងក្រុមហ៊ុនថា ក្រុមហ៊ុនធំនៅបរទេស ដែលមានដើមទុនហាសិបពាន់លានដុល្លារអាមេរិក ពុំទាន់ទម្លាក់ប្រាក់មកឲ្យទេ ។ ដូច្នេះ សូមឲ្យសមាជិកភាគហ៊ុនទាំងអស់ ចេញប្រាក់ជាមុនសិន ដើម្បីបានដំណើរការ ។ ពេលនោះ ភរិយាលោក កៅ គឹមហួន បានចេញប្រាក់ជាបន្តបន្ទាប់ ឲ្យទៅជនសង្ស័យ រហូតចំនួន២៧លានដុល្លារអាមេរិក ។
ក្រោយពេលបានទទួលប្រាក់រួចហើយ ជនសង្ស័យពុំបានយកប្រាក់នេះ ទៅដំណើរការសាងសង់រីស្ស៊ត ដូចការអះអាងនោះទេ ធ្វើឲ្យសមាជិកភាគហ៊ុន មានការសង្ស័យ ទើបឈានដល់ការស្រាវជ្រាវដឹងថា ពុំមានគម្រោងរៀបចំរីស្ស៊តនៅខេត្តកែប និងខេត្តកំពតឡើយ ។ បន្ទាប់មកជនសង្ស័យ បានទាមទារប្រាក់បន្ថែម ចំនួន៤លានដុល្លារទៀត ទើបភរិយាលោក កៅ គឹមហួន ដាក់ពាក្យប្តឹង នៅកងរាជអាវុធហត្ថលើផ្ទៃប្រទេស រួចរៀបចំគម្រោងចាប់ខ្លួន ខណៈពេលជនសង្ស័យ មកទទួលប្រាក់ ។
ពេលសមត្តកិច្ចឃាត់ខ្លួនជនសង្ស័យបានហើយ ក៏នាំទៅឆែកឆេរកន្លែងស្នាក់នៅ ក្នុងអាផាតមិន ដាលីស នៅសង្កាត់ចតុមុខ ខណ្ឌដូនពេញ ធ្វើការដកហូតប្រាក់ចំនួន៤២ម៉ឺនដុល្លារអាមេរិក នៅក្នុងអាផាតមិន ដែលជនសង្ស័យកំពុងរស់នៅ ។
សូមបញ្ជាក់ថា ដើមចមនៃការឃាត់ខ្លួនជនសង្ស័យខាងលើនេះ ពុំមានប្រភពណាមួយអាចបញ្ជាក់ឲ្យដឹងជាផ្លូវការនោះទេ សូម្បីសមត្ថ កិច្ច ដែលចាប់បញ្ជូនជនសង្ស័យទៅកាន់សាលាដំបូងរាជធានីភ្នំពេញ ក៏មិនបង្ហើបឲ្យដឹងដែរ ប៉ុន្តែទោះបីមានការលាក់លៀមយ៉ាងណាក្តី ប្រភពព័ត៌មាននៅតែធ្លាយចេញមិនអាចបិទជិតពី ដំណឹងយប់មិញ ឡើយ ៕
ប្រភពពីមន្ត្រីតុលាការបានអោយដឹងថា ជនសង្ស័យឈ្មោះ DENIS COKOVIC ហៅ DENIS DENY ភេទប្រុស អាយុ៥៤ឆ្នាំ ជាជនជាតិកូសូវ៉ូ ត្រូវបានតំណាងអយ្យការលោក សៀង សុខ ចោទពីបទឆបោក និងសមគំនិត ក្នុងអំពើមិនបំពេញកាតព្វកិច្ចចំពោះឧបករណ៍អាចជួញដូរបាន ប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០១៦ ថ្ងៃទី២៨ ខែមេសា ថ្ងៃទី១៦ ខែឧសភា ថ្ងៃទី២៦ ខែឧសភា និង១២ មិថុនា ឆ្នាំ២០១៧ តាមមាត្រា៣៧៧-៣៧៨ នៃក្រមព្រហ្មទណ្ឌ និងមាត្រា២៣១ (មាត្រា២៩ នៃក្រមព្រហ្មទណ្ឌ នៃច្បាប់ស្តីពីឧបករណ៍អាចជួញដូរបាន និងប្រតិបត្តិការទូទាត់សងប្រាក់) ។
ប្រភពពីអ្នកនាំពាក្យកងរាជអាវុធហត្ថលើផ្ទៃប្រទេស លោកឧត្តមសេនីយ៍ អេង ហ៊ី បានប្រាប់ថា រឿងករណីឆបោកលុយរាប់លានដុល្លារនេះ កម្លាំងអាវុធហត្ថបើកប្រតិបត្តិការក្រោមបញ្ជាផ្ទាល់លោកនាយឧត្តមសេនីយ៍ សៅ សុខា ។ ទោះជាយ៉ាងណាលោកអេង ហ៊ី មិនទាន់អោយដឹងស៊ីជម្រៅនោះនៅឡើយទេ ។
បើតាមប្រភពមួយជិតស្និទ្ធនឹងកងរាជអាវុធហត្ថលើផ្ទៃប្រទេស បានបង្ហើបថា កាលពីព្រឹកថ្ងៃទី២៥ កក្កដា ២០១៧ សមត្ថកិច្ចបាននាំខ្លួនជនជាតិកូសូវ៉ូម្នាក់ មកកាន់សាលាដំបូងរាជធានីភ្នំពេញ ដើម្បីធ្វើការសាកសួរ ពាក់ព័ន្ធស៊ីដាច់ប្រាក់ភរិយាលោក កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី មានទឹកប្រាក់ចំនួន២៧លានដុល្លារអាមេរិក តាមរូបភាពរៀបចំ រីស្ស៊ត នៅខេត្តកែប និងកំពត ។
ប្រភពដដែល បង្ហើបអោយដឹងបន្តថា ជនសង្ស័យឈ្មោះ កូកូវ៉ិច ឌឺនីស ភេទប្រុស អាយុ៥៤ឆ្នាំ បានត្រូវសមត្ថកិច្ច កងរាជអាវុធហត្ថលើផ្ទៃប្រទេស ឃាត់ខ្លួនកាលពីថ្ងៃទី២១ កក្កដា នៅសណ្ឋាគារមួយ ក្នុងរាជធានីភ្នំពេញ ។ ប៉ុន្តែនៅពេលឆែកឆេរបុរសរូបនោះ បែរជាកាន់លិខិតឆ្លងដែន ជនជាតិអូស្ត្រាលីទៅវិញ ។
ប្រភពដដែលបន្តទៀតថា បុរសរូបនេះ បានចូលមកប្រទេសកម្ពុជា បើកក្រុមហ៊ុនមួយ ជាមួយអ្នកស្រី ឃឹម រ៉ានី ភរិយាលោក កៅ គឹមហួន និងមនុស្សមួយចំនួនទៀត រួចលើកគម្រោងរៀបចំធ្វើរីស្ស៊ត នៅខេត្តកែប និងខេត្តកំពត ក្នុងទំហំទឹកប្រាក់ រាប់សិបលានដុល្លារអាមេរិក ។
នៅពេលរៀបចំដំណើរការ ជនសង្ស័យរូបនេះ បានប្រាប់សមាជិកភាគហ៊ុនក្នុងក្រុមហ៊ុនថា ក្រុមហ៊ុនធំនៅបរទេស ដែលមានដើមទុនហាសិបពាន់លានដុល្លារអាមេរិក ពុំទាន់ទម្លាក់ប្រាក់មកឲ្យទេ ។ ដូច្នេះ សូមឲ្យសមាជិកភាគហ៊ុនទាំងអស់ ចេញប្រាក់ជាមុនសិន ដើម្បីបានដំណើរការ ។ ពេលនោះ ភរិយាលោក កៅ គឹមហួន បានចេញប្រាក់ជាបន្តបន្ទាប់ ឲ្យទៅជនសង្ស័យ រហូតចំនួន២៧លានដុល្លារអាមេរិក ។
ក្រោយពេលបានទទួលប្រាក់រួចហើយ ជនសង្ស័យពុំបានយកប្រាក់នេះ ទៅដំណើរការសាងសង់រីស្ស៊ត ដូចការអះអាងនោះទេ ធ្វើឲ្យសមាជិកភាគហ៊ុន មានការសង្ស័យ ទើបឈានដល់ការស្រាវជ្រាវដឹងថា ពុំមានគម្រោងរៀបចំរីស្ស៊តនៅខេត្តកែប និងខេត្តកំពតឡើយ ។ បន្ទាប់មកជនសង្ស័យ បានទាមទារប្រាក់បន្ថែម ចំនួន៤លានដុល្លារទៀត ទើបភរិយាលោក កៅ គឹមហួន ដាក់ពាក្យប្តឹង នៅកងរាជអាវុធហត្ថលើផ្ទៃប្រទេស រួចរៀបចំគម្រោងចាប់ខ្លួន ខណៈពេលជនសង្ស័យ មកទទួលប្រាក់ ។
ពេលសមត្តកិច្ចឃាត់ខ្លួនជនសង្ស័យបានហើយ ក៏នាំទៅឆែកឆេរកន្លែងស្នាក់នៅ ក្នុងអាផាតមិន ដាលីស នៅសង្កាត់ចតុមុខ ខណ្ឌដូនពេញ ធ្វើការដកហូតប្រាក់ចំនួន៤២ម៉ឺនដុល្លារអាមេរិក នៅក្នុងអាផាតមិន ដែលជនសង្ស័យកំពុងរស់នៅ ។
សូមបញ្ជាក់ថា ដើមចមនៃការឃាត់ខ្លួនជនសង្ស័យខាងលើនេះ ពុំមានប្រភពណាមួយអាចបញ្ជាក់ឲ្យដឹងជាផ្លូវការនោះទេ សូម្បីសមត្ថ កិច្ច ដែលចាប់បញ្ជូនជនសង្ស័យទៅកាន់សាលាដំបូងរាជធានីភ្នំពេញ ក៏មិនបង្ហើបឲ្យដឹងដែរ ប៉ុន្តែទោះបីមានការលាក់លៀមយ៉ាងណាក្តី ប្រភពព័ត៌មាននៅតែធ្លាយចេញមិនអាចបិទជិតពី ដំណឹងយប់មិញ ឡើយ ៕
Post a Comment