២៨ កក្កដា ២០១៧ - ០៧:៤៧
ពោធិ៍សាត់៖កាលពីវេលាម៉ោង១៖៣០នាទីយប់ ឆ្លងចូលថ្ងៃទី២៧ ខែកក្កដា ឆ្នាំ២០១៧ ស្ថិតនៅក្នុងផ្ទះរ
បស់ខ្លួន ក្នុងភូមិលាច ឃុំលាច ស្រុកភ្នំក្រវាញ ខេត្តពោធិ៍សាត់។បុរសម្នាក់ បានផឹកថ្នាំពុលបាញ់ស្មៅ
ប្រភេទស៊ីខ្វាលីហ្វប់ សំលាប់ខ្លួន ដោយមិនដឹងមូលហេតុ ។
តាមប្រពន្ធជនរងគ្រោះ បានរៀបរាប់ប្រាប់សមត្ថកិច្ចថា កាលប្តីគាត់នៅរស់ គាត់តែងពោលពាក្យថា
គាត់ចង់តែស្លាប់ទេ ពីព្រោះគាត់ពិបាកចិត្តពេក។ លុះមកដល់យប់កើតហេតុ រូបគាត់ជាប្រពន្ធមិន
ដេកនៅផ្ទះទេ គឺគាត់មកដេកនៅផ្ទះរបស់កូន លុះព្រឹកឡើង ទើបគាត់ត្រឡប់ទៅផ្ទះ ក៏ស្រាប់តែឃើញ
ប្តីរបស់គាត់ ពុលថ្នាំបាញ់ស្មៅស្លាប់បាត់ទៅហើយ។
បើតាមមន្ត្រីនគរបាល បានឱ្យដឹងថា ជនរងគ្រោះមានឈ្មោះ យ៉ែម ធី ភេទប្រុស អាយុ៤៨ឆ្នាំ រស់
នៅក្នុងភូមិកើតហេតុខាងលើ។ ក្រោយធ្វើកោសល្យវិច្ច័យ ពីសំណាក់ក្រុមគ្រូពេទ្យ និងមន្ត្រីជំនាញរួ
ចមកបញ្ជាក់ថា ជនរងគ្រោះពិតជាស្លាប់ ដោយសារផឹកថ្នាំពុលដោយខ្លួនឯង ពិតប្រាកដមែន៕
Post a Comment