ព្រះសីហនុៈ គ្រោះថ្នាក់ចរាចរណ៍នេះ បានកើតកាលពីរសៀលថ្ងៃទី៤ សីហា ២០១៧ នៅចំណុចក្រុម១ ភូមិ១ ឃុំកំពញ ស្រុកស្ទឹងហាវ ខេត្តព្រះសីហនុ។
ដំបូងគេឃើញរថយន្តធុនធំមួយគ្រឿងម៉ាកហ៊ីយាន់ដាយ ពណ៌ស ពាក់ស្លាក់លេខ ភ្នំពេញ 3C-9541 ខណៈកំពុងតែបើកលើផ្លូវសុខៗ មិនដឹងយ៉ាងមិច ពេលកន្លែងកើតហេតុ ស្រាប់តែរេចង្កូតបុកចូលផ្ទះប្រជាពលរដ្ឋទាំងកំរោងតែម្ដង។
ក្នុងហេតុការណ៍នេះ សំណាងណាស់មិនបង្កឲ្យគ្រោះថ្នាក់ដល់មនុស្សទេ គ្រាន់តែបណ្ដាលឲ្យខូចខាតសម្ភារៈមួយចំនួនដូចជា៖ -សង្ក័សីមុខផ្ទះចំនួន២៨សន្លឹក -ទទឹក៣ដើមមានប្រវែង១២ម៉ែត្រ -កង់ចំនួន១គ្រឿង -ម៉ូតូSCoppyពណ៌ខ្មៅ ២គ្រឿង គ្មានស្លាកលេខ -ម៉ូតូ Honda C125ផលិតនៅឆ្នាំ២០១១ ពណ៌ខ្មៅ ស្លាកលេខ ព្រះសីហនុ 1C-9257មួយគ្រឿង -ម៉ូតូ HondaC125 ផលិតឆ្នាំ២០០៨ ពណ៌ខ្មៅ ស្លាកលេខព្រះសីហនុ1B 1259 -ម៉ូតូ HondaC125ផលិតឆ្នាំ2015 ពណ៌ខ្មៅ ស្លាកលេខកណ្តាល 1S 8058 -ម៉ូតូ Honda M D ពណ៌ក្រហមគ្មានស្លាកលេខ -ម៉ាស៊ីនម៉ូតូចំនួន៤គ្រឿង នឹងគ្រឿងបន្លាស់ម៉ូតូមួយចំនួន។
អ្នកបើកបររថយន្តបង្ក ឈ្មោះ សួង ផានិត ភេទប្រុស អាយុ១៧ឆ្នាំ មានស្រុកកំណើតនៅភូមិព្រែកក្ដី ឃុំព្រែកតាតែន ស្រុកពញ្ញាឮ ខេត្តកណ្ដាល និងព្រូរថយន្តឈ្មោះ សួង បញ្ញា ភេទប្រុស អាយុ១៩ឆ្នាំ (ជាបងប្អូនបង្កើត)។ ចំណែកម្ចាស់ផ្ទះ ដែលរថយន្តបុក ឈ្មោះ សេង សៀកឡេង ភេទប្រុស អាយុ៣៩ឆ្នាំ មុខរបរជួសជុលម៉ូតូ ៕
Post a Comment