ភ្នំពេញ៖ ក្មេង២នាក់បានឈរលក់គ្រឿងញៀននៅតាមផ្លូវរថភ្លើង និងសិស្សសាលា២នាក់ទៀតមកទិញ ដើម្បីយកទៅប្រើប្រាស់ ត្រូវបានកម្លាំងកងរាជអាវុធខណ្ឌទួលគោកល្បាតពួនស្ទាក់ ឃាត់ខ្លួនបានទាំងអ្នកលក់និងអ្នកទិញតែម្ដង និងដកហូតបានគ្រឿងញៀនប្រភេទក្រាមសថ្លា ចំនួន៧៤កញ្ចប់តូច។ ប្រតិបត្តិការនេះធ្វើឡើងកាលពីវេលាម៉ោង៣រសៀលថ្ងៃទី០២ ខែសីហា ឆ្នាំ២០១៧ ស្ថិតនៅចំណុចរោងចក្រឆ្នាំង ផ្លូវរថភ្លើង សង្កាត់បឹងកក់២ ខណ្ឌទួលគោក រាជធានីភ្នំពេញ។
មន្រ្តីអាវុធហត្ថបានអោយដឹងថា ជនសង្ស័យ ទី១ ឈ្មោះ សយ សុខា ភេទប្រុស អាយុ១១ ឆ្នាំ ស្នាក់នៅផ្លូវរថភ្លើង សង្កាត់បឹងកក់ទី២ ខណ្ឌទួលគោក រាជធានីភ្នំពេញ អ្នកឈរលក់។
ទី២ ឈ្មោះ មាស ចំរើន ភេទប្រុស អាយុ១២ ឆ្នាំ ស្នាក់នៅផ្លូវរថភ្លើង សង្កាត់បឹងកក់ទី២ ខណ្ឌទួលគោក
រាជធានីភ្នំពេញ អ្នកឈរលក់។
ទី៣ ឈ្មោះ ផាន វាសនា ភេទប្រុស អាយុ ១៦ ឆ្នាំ មុខរបរសិស្សថ្នាក់៩ ស្នាក់នៅ ផ្ទះលេខ៣២ ផ្លូវរថភ្លើង
ទឹកល្អក់ទី១ ខណ្ឌទួលគោក រាជធានីភ្នំពេញ អ្នកទិញយកមកប្រើប្រាស់។ ទី៤ ឈ្មោះ នង កាណា ភេទ
ប្រុស អាយុ ១៥ ឆ្នាំ មុខរបរសិស្សថ្នាក់ទី៩ ស្នាក់នៅសង្កាត់ ភ្នំពេញថ្មី ខណ្ឌសែនសុខ រាជធានីភ្នំពេញ អ្នកទិញយកមកប្រើប្រាស់។
តាមប្រភពដដែលបានអោយដឹងបន្ថែមទៀតថា នៅមុនពេលឈានដល់ការឃាត់ខ្លួនយុវជនទាំង៤
កម្លាំងកងរាជអាវុធហត្ថបានធ្វើការល្បាតពួនស្ទាក ដើម្បីរក្សាសុខសុវត្ថិភាព ជូនបងប្អូនប្រជាពលរដ្ឋ
ក្នុងមូលដ្ឋាន ខណៈនោះបានឃើញក្មេង២នាក់កំពុងឈរលក់គ្រឿងញៀននៅតាមបណ្ដោយផ្លូវរថភ្លើង
ម្ដុំរោងចក្រឆ្នាំង ហើយក៏មានយុវជន២នាក់ទៀតជាសិស្សសាលា ជិះម៉ូតូ១គ្រេឿងម៉ាកសង់សេ១២៥ សេរីឆ្នាំ២០១៧ ពាក់ស្លាកលេខភ្នំពេញ ១GH- ៣១៦៨ នាំគ្នាមកទិញគ្រឿងញៀនដើម្បីយកទៅប្រើប្រាស់ ពេល
នោះកម្លាំងអាវុធហត្ថខណ្ឌទួលគោកបានឃាត់ខ្លួនយុវជនទាំង៤នាក់ភ្លាមៗតែម្ដង រួមទាំងដកហូតបានគ្រឿងញៀនប្រភេទក្រាមសថ្លា ចំនួន៧៤កញ្ចប់និងម៉ូតូ១គ្រឿង។
បច្ចុប្បន្នយុវជនសង្ស័យទាំង៤នាក់រួមទាំងវត្ថុតាងត្រូវបានកម្លាំងអាវុធហត្ថនាំមកបញ្ជាការដ្ឋានកង
រាជអាវុធហត្ថ ខណ្ឌទួលគោកដើម្បីចាត់ការតាមនីតិវិធី៕
Post a Comment