១៣ កញ្ញា ២០១៧ - ១០:៣១
ខេត្តកណ្តាលៈហេតុការណ៍នេះបានកើតឡើង កាលពីថ្ងៃទី១១ ខែសីហា ឆ្នាំ២០១៧ នៅលើកំណាត់ផ្លូវលំ ត្រង់ចំណុចខាងមុខផ្ទះឈ្មោះ ប្រុញ ភាព ស្ថិតក្នុងភូមិព្រែកថ្មី ឃុំព្រែកអញ្ចាញ ស្រុកមុខកំពូល ខេត្តកណ្ដាល ។
ក្រោយពីមានហេតុការណ៍កើតឡើងនារីដៃដល់២នាក់បងប្អូន ត្រូវបានសមត្ថកិច្ចនគរបាលចាប់ខ្លួនបញ្ជូនទៅកាន់អធិការដ្ឋាននគរបាលស្រុកមុខកំពូល ដើម្បីចាត់ការតាមច្បាប់ រីឯនារីរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យប្រតិបត្តិស្រុកមុខកំពូល ។
ជនសង្ស័យដែលត្រូវបានចាប់ខ្លួននោះ ទី១-ឈ្មោះ រស់ ធីតា ហៅស្រីធំ ភេទស្រី អាយុ២១ឆ្នាំ ជនជាតិខ្មែរ មុខរបរ រត់តុគុយទាវ ទី២-ឈ្មោះ រស់ រ៉ានី ហៅស្រីតូច ភេទស្រី អាយុ១៨ឆ្នាំ ជនជាតិខ្មែរ មុខរបរ រត់តុគុយទាវ ។ ជនសង្ស័យទាំង២នាក់ជាបងប្អូនបង្កើតនឹងគ្នា មានទីលំនៅភូមិព្រែកថ្មី ឃុំព្រែកអញ្ចាញ ស្រុកមុខកំពូល ។ ចំណែកឯនារីរងគ្រោះឈ្មោះ ឌី ស្រីណា អាយុ១៧ឆ្នាំ មុខរបរ កម្មកររោងចក្រក្ដារបន្ទះ (រងរបួសលើភ្លៅខាងស្តាំដេរចំនួន០៣ថ្នេរ) មានទីលំនៅភូមិព្រែកថ្មី ឃុំព្រកអញ្ចាញ ស្រុកមុខកំពូល ។
កន្លងមកក្រុមគ្រួសារនារីរងគ្រោះ និងក្រុមគ្រួសារជនសង្ស័យឧស្សាហ៏មានទំណាស់ពាក្យសំដីគ្នា ។
លុះមកដល់ថ្ងៃទី១១ ខែសីហា ឆ្នាំ២០១៧ ជនសង្ស័យទាំង២នាក់បងប្អូនជិះកង់ឌុបគ្នាក្នុងគោល
បំណងទៅផ្សារ ខណៈនោះក៏បានជួបនឹងនារីរងគ្រោះកំពុងអង្គុយលេងនៅខាងមុខតូបលក់ចាប់
ហួយរបស់ឈ្មោះ ប្រុញ ភាព ។ ដោយសារតែធ្លាប់មានទំនាស់ និងគ្នាក្រុមជនសង្ស័យ២នាក់បងប្អូន
បាននិយាយដៀមដាមដាក់នារីរងគ្រោះ ភ្លាមនោះនារីរងគ្រោះក៏បានតបតវិញ ។
ប្រភពដដែលបានបន្តទៀតថា បន្ទាប់ពីមានការតបតពីនារីរងគ្រោះក្រុមជនសង្ស័យបានជិះកង់
ឌុបគ្នាត្រឡប់ទៅកាន់លំនៅឋានវិញ យកកាំបិតចុងស្រួច និងកាំបិតប៉័ងតោ មកធ្វើសកម្មភាព
ចាក់ និងកាប់ប្រហារទៅលើនារីរងគ្រោះ បណ្តាលឲ្យរងរបួស ទើបមានអ្នកជិតខាងចាប់បំពេក
ចេញពីគ្នា និងប្តឹងសមត្ថកិច្ចនគរបាលប៉ុស្តិ៍រដ្ឋបាលឲ្យជួយអន្តរាគមន៍ចាប់ខ្លួនជនសង្ស័យ ដើម្បី
ចាត់ការតាម។
ប្រភពបញ្ចេញមតិ
Post a Comment